前嗰一排接受咗一個訪問， 前日終於出咗街， 入面分享咗一啲關於現時青少年睇漫畫嘅習慣， 當係一個小小心得嘅分享，入邊有我同埋祖哥， 訪問嗰陣時啱啱病完， 仲有D腦霧。
近呢幾年， 我教緊中學生漫畫課程，會將一啲市場上面嘅資訊話俾佢哋知（畢竟係佢哋DSE課程）， 當中包括香港漫畫的發展現況等等，所以平日會留意香港漫畫的市場發展到底如何， 除了自己身處漫畫行業， 同時也是出於制定教材的需求。 平日都嘗試從不同的角度來研究香港漫畫的狀況。之前睇浦澤直樹的「漫勉」， 當中有一集係訪問藤田和日郎， 佢指出漫畫就係好快就會睇完的東西， 喺以前倚賴紙媒嘅時代，漫畫書就係資訊流通嘅方式，現在的年輕人成長的年代， 跟以前並不一樣， 他們從出生起 已經接觸電子網路， 基本上 係唔可以理解我哋以前 , 把午餐的飯錢存起來， 到漫畫店或者報紙檔購買漫畫的情況。 他們現在只要打開平板電腦，或者手機就幾乎能夠得到所有的娛樂， 讀漫畫這件事，當然也不例外。
本地漫畫缺少了青少年
其他地區嘅漫畫都係以青少年為主，以前曾經睇過一啲關於歐洲小說嘅研究 ，歐洲小說最主要的群體其實也是青少年的市場， 因為此類作品的接受到比較廣， 即使大人和小孩也是會看青少年文學的， 比如哈利波特、 波西傑克森等⋯所以青少年類的作品， 一直也是創作市場上的中流砥柱， 而香港卻偏偏缺少了青少年這 一個區域。
前幾年在Poly讀game design嘅時候， 教授曾經講過，世界上從來沒有一個地方好似香港咁樣，這樣能夠輕易下載來自不同地區的遊戲， 所以香港遊戲玩家的眼光必定會比其他地區的人高， 所以製作本地嘅遊戲會比其他地方更加困難， 除咗資金嘅問題， 都要同好多國際上嘅優秀作品去競爭。相信這一個情況，同樣能夠應用在漫畫行業之上。 舊年剛剛開學嘅時候，叫學生做香港漫畫報告嘅時候， 有同學俾咗我一堆日本漫畫盜版網站， 話呢啲網站就係「香港漫畫」， 嗰陣時其實都幾震驚， 原來真係會有人認為中文化嘅日本漫畫， 就係「香港漫畫」， 而且仲係盜版網站， 咁樣嘅例子，仲唔係一兩個， 證明現時網路世代嘅閱讀習慣同我哋以前有好大嘅唔同。
香港要睇漫畫比什麼地方都容易
每一個地區都有獨特的版權保護， 比如喺香港搵到好多盜版平台喺中國大陸嘅網站， 但係如果在中國大陸上網， 要接觸日本漫畫其實反而並不容易， 就算有， 現在已經有不少平台轉換成付費模式， 而韓國和日本近年會比較嚴厲地打擊盜版漫畫， 對於他們來說要看其他地區的作品其實並不容易。香港卻完全沒有這種限制， 不論什麼漫畫網站，也能夠輕易地連得上， 日本黑白漫畫還是彩色條漫也好， 不管是正版還是盜版（絕大部份也是盜版）， 也可以輕易地搜尋得到， 所以呈現在香港人面前的， 必然是最頂尖的網絡漫畫免費資源， 在這一個情況之下， 本地漫畫的代替品，其實數之不盡， 既然什麼漫畫也可以看得到， 他們會買實體書的理由， 其實是以收藏為主， 跟以往實體書作為主要的傳播媒介， 其實是完全不同的概念。現時本地漫畫市場， 主要集中喺薄裝漫畫和兒童漫畫，而青少年通常係睇動畫， 或者上網睇盜版漫畫，有部份會把書用來做收藏， 但由於香港有土地問題，所以都比較少。
理想的模式是什麼
如果以現時理解， 讀者最理想，應該就好似Netflix一樣， 俾一個價錢，然後無限任睇， 當然呢個要好大嘅資本先至能夠做得到， 除咗佢可以收購本地漫畫嘅所有版權之外， 仲要有足夠嘅資金打版權官司先至能夠成功，當正版方便過盜版，而價錢又唔高嘅時候， 先至有機會成功， 呢個係日本、大陸、韓國會比較容易做到， 因為佢哋有大型嘅出版社。 而香港本地嘅漫畫， 自古以來都係漫畫家獨立經營， 所以就比較難做到， 可能就係因為咁， 所以喺網路發展之後， 本地漫畫嘅經營就越嚟越困難， 呢個同網路用戶嘅習慣及本地出版社嘅經營方式有好大嘅關係， 可能只係咁啱夾唔到時代發展。
但係而家對於本地漫畫嘅發展，其實有好多討論嘅方向， 比如點樣建立產業鏈（動畫/電影化）， 或者將漫畫賣出國外（呢個其實同遊戲業有點相似， 唔少本地嘅遊戲製作公司主要係經營外國市場）， 或者只專注於特定嘅受眾（比如兒童漫畫/薄裝港漫/獨立漫畫）， 不過最近嘅一年科技發展得非常之快， 話唔定會出現好多特別嘅技術改革， 所以慢慢摸索都未遲， 最緊要係而家令到年輕人意識到有本地市場嘅存在先， 呢個我都努力緊， 等本地漫畫作品有一定嘅基數以後， 先至可以談發展。
BTW， 漫畫嘅成本其實只要肯畫就得， 藝術角度嚟講， 冇資本嘅介入，有相對大嘅創作自由， 但係如果講到錢， 要考慮嘅事情絕對係非常之多， 因為香港嘅生活成本同壓力非常高， 要專注咁樣創作力唔容易， 淨係實行嗰吓， 機會成本都非常之高XDDDD
IG: https://www.instagram.com/mimitsoi_hk/
FB:https://www.facebook.com/mimitsoihk
Web: https://inkpen.hk | https://mimitsoi.com | https://ming-yi.cc
